提起杜拜既酒店相信無人唔識帆船酒店，不過今次小編就唔住帆船酒店，
始終都已經20年歷史，欠了新鮮感，各大電視雜誌都已經講過報道過。
而係選擇入住著名時裝品牌 versace 既 Palazzo Versace Dubai，
係杜拜除左versace，仲有bvlgari 及armani 都有酒店，
不過小編都係俾 versace 宮殿既外型吸引
酒店正門很有大酒店氣派，
門口地上鋪了versace medusa 的圖案，十分搶眼
進入酒店大堂首先見到地上鋪有medusa的馬賽克，不小人都在此打卡
細望周圍的花樽，cushion 等等，全都是versace的出品，令人有種想全部買回家的感覺
刷過deposit 就拎匙上房間，走廊沿途都充滿着versace的擺設
今次住宿係最基本型既creek view 房，
入門後已被靚靚既versace床單吸引住，
相信女仕們係到影相打卡都可以玩成個晏就，
可重溫video
床邊有觸控式control可控制房間燈光，窗簾開關等
電插座方面有提供usb插位及萬用插位，十分方便旅客
房間有minibar，咖啡機，熱水壺及每日免費支裝水提供
房間附有露台，今次住宿係9樓最高層，景觀開揚
再看看浴室外是梳妝台及衣櫃
浴室空間都頗大，附有浴缸及淋浴
選用自家的沐浴品，有浴鹽提供，浸浴啱唒，
versace logo周圍都係，連浴袍都有
放下行李後到酒店周圍走走，
作為versace酒店，點小得賣野既地方，
呢到有versace 童裝，珠寶，家用品售賣，
老虎都入手了太陽眼鏡
仲有gym，kids club，spa
酒店總共有3個室外泳池
同老虎係酒店玩下影相打下卡，時間都過得好快
好快就到晚飯時間，今晚就唔出去食，
一於試下酒店既意大利餐 vanitas，
途經酒店大堂bar，夜晚加上燈光比日頭更有情調
餐廳每一處都係悉心擺設，十分有情調，
情侶約會食飯黎呢到無得輸啊
餐具全都係用上versace，未上菜已興𡚒
是日menu比較特別，沒有a la carte，
而是類似omakase的，
前菜有幾款可share食，
跟住有意粉及主菜牛扒，最後仲有甜品，
食呢一餐唔好以為好貴，
其實每人只係約500hkd到，就係食versace個名氣都抵返哂
第二朝的自助早餐，
款式選擇豐富，就係蜂蜜都有十幾款
住後感，成間酒店既硬件係幾好，
真係帶到客人進入versace 既世界，versace fans一定十分開心，
不過都仲有進步既空間，個別staff既服務質素有待改善，
例如門口valet parking，小編想從車上再拎返d野都顯得好像不太耐煩，
作為5星酒店不太可接受，
另外由於酒店都係行土豪風，自然吸引了不小同胞入住，有時遇上會有點嘈吵。
同埋酒店較新同唔近主要購物點，的士未必識路，唔自駕就唔太方便
不過總結都係值得入住，房價方面可查看呢到
黎緊澳門都會開 versace 酒店，各位想體驗versace 風既遲下就唔洗去咁遠啦
Write a comment