農曆新年長假本來計劃去埃及，不過出發前一個多月又發生炸彈恐襲，
所以就改為去阿拉伯聯合酋長國，即為人熟悉的杜拜及阿布扎比。
今次乘搭既係中東三寶之一既阿提哈德航空，機型為 a330-200，
不過現時阿提哈德航空已改用787執飛香港－阿布扎比航線，
雖然不同機型，但座位排列都是一樣，只是787裝橫上會較新，
餐飲服務都應該係大同小異，所以今編a330-200既體驗都可供參考
阿提哈德航空係香港選用香港航空既lounge，
眾所周知港航係中場有新lounge，不過由於阿提哈德航空係41號閘登機，
如果去新個個lounge之後再走回頭路登機會好趕，
所以今次又同傲堂緣慳一面。
登機啦，阿提哈德航空a330-200既商務只得 22 個位，以1-2-1排列，
情侶當然選e,f 中間的honeymoon seat就最perfect，
這些honeymoon seat 不多，都幾搶手，小編幸運地都搶到，
一個人的話就選a或k就最好，私隱度好d
坐定定後，空服便派發毛巾及welcome drink
空服已一早放了支裝水在座位旁，
座位旁有些小儲物位及control，不過都係較舊既款式，
前方還有usb及萬用充電插位
headphone質素都ok
過夜包選用acqua di parma
再來看看是日餐單，
今次航程會供應一晚餐及一些便餐，
阿提哈德航空是dine on demand，所以告知空服用餐時間便可
起飛後飯前再來一杯，cheers !
前菜選了smoked salmon及 tomato & red pepper soup，
味道尚可，但不太會讓人有深刻記憶
主菜同樣要了salmon及雞飯，
雞飯雖則賣相麻麻，不過味道又幾好，
最後的甜品都好好味，幾滿足既一餐
頭盤方面同老虎點了不同的試試，分別是parma ham 及 red pepper soup，味道唔錯
主菜則點了同樣的牛，煮得剛剛好，好'林'好好味
最後上甜品都係幾好既
影片選擇尚可(今次航程是在2月)，
廣東話既片只有一套就小左d
座位平躺模式，枕頭及被都幾厚身舒適
廁所同樣選用 acqua di parma 用品
今程機無早餐，只有便餐，訓醒後就點了來吃，
不過份量就稍微小左d，所以最後食多個杯面
經過9小時的飛行終於抵達阿布扎比，
沒有登機橋，航空公司有派商務專用小巴接載，
臨落機時有派fast track 卡，不過到抵達時係零晨加上商務客係第一批落機，
普通櫃位都無人排隊，仲快過fast track
今次航程整體都滿意，有減價時去歐洲連稅只需萬幾蚊性價比係幾高，
現時仲改為787 執飛，座位裝橫比今次的a330-200更新，體驗會更好，
不過都有可改善地方，如餐食份量，飛成9個幾鐘，得一個晚餐同一個份量好小既便餐就好似麻麻地夠，
有晚餐同早餐的話會合適d。
另外因阿提哈德航空飛行路線關係，航程要成9個幾鐘，如果再轉飛去歐洲加埋都幾長時間
(國泰飛杜拜都只係6個鐘到，快好多)
Write a comment