Lounge Review - Iberia Premium Lounge Velázquez MAD T4S
Flight Review - Iberia (Operated by Air Nostrum) IB8374 Madrid - Tangier Business Class CRJ200
【摩洛哥・丹吉爾酒店推介】Hilton Tanger City Center Hotel & Residences
【摩洛哥・藍色城市・舍夫沙萬住宿】Résidence Hôtelière Chez Aziz
【摩洛哥・非斯酒店推介】Fes Marriott Hotel Jnan Palace - Family Suite Garden View
係去摩洛哥前已經好期待沙漠既行情，但期望越大失望都越大，
由原本預訂了兩晚沙漠營住宿，到住完一晚完全頂唔順要立刻轉酒店走人，
以下將會慢慢講下沙漠營既中伏經歷，
同些小貼士俾將會去摩洛哥沙漠既朋友如何選擇好既沙漠營。
我地不同一般local tour坐巴士由marrakech 到沙漠，
而是坐飛機到離沙漠兩小時車程之城市 errachidia，留宿一晚第二朝再出發去沙漠，
係errachidia住既酒店就普普通通，不過都係當地集團kenzi group 既酒店，
正正常常類似外國motel 咁，係呢d地方唔期望有好豪華既服務及設施，
過一晚係ok的，特別一提係當值晚間既年輕男員工超級nice，值得一讚，
不過今編就唔多講呢間酒店，想查房價或預訂可接此
第二朝check out 後，一早與沙漠營預訂既的士便在lobby等候我們，呢程車亦係第一個伏
話說網上交通資訊不多，所以唯有同沙漠營預訂交通，
沙漠營回覆我們要價250euro來回，摩洛哥以言係有d貴，不過人生路不熟所以都照訂啦，
原本沙漠營老細同的士司機溝通好的話，呢250euro個老細就袋170euro，
點解咁講，因為的士司機到達目的地後便跟我們要400dirhams(約40euro)，
咁我地覺好奇怪，原先以為老細會最尾check out 後一起收，點解而家又收呢，
不過我地都照俾先啦，後來先知原來呢個係當地公價，係的士司機老實，
最尾check out時老細仲想收我地的士錢，當然唔肯，
我們明白同酒店直接訂交通一定係貴過出面搵既，
但係連基本聯絡都做唔好就真係無資格賺呢d錢。
大家如果會去的話係當地的士站搵的士搭就得，唔需特登預約定。
好啦，講返我們到達入沙漠前既集合地點，就係呢間cafe，
通常係集合哂當晚入住既人客再一起前往營地，
當天我們是第一組客人到達，時間尚早所以先食個lunch，
個pizza幾好味，係牛扒真係柴皮咁，個到d牛都係偏瘦。
係等緊其他人時，工作人員都會講黎閒談幾句，
不過好幾個聽到我們住兩晚時都感到突左一突，後來先知無咩人會住兩晚係有原因啦
食下又等下都差不多兩個鐘，
營地有提供兩個入營交通選擇，
免費坐4wd入營或25 euro騎駱駝，
由於唔想騎駱駝，所以坐4wd入營
約10分鐘到就到達營地，先到餐廳飲過welcome drink
下午時候到達營地真係唔多靚，
可能相片未能睇得出，但營地周圍其實有好多駱駝屎
入房啦，size 正常，不過同係booking.com既相完全係兩回事，
相入面有兩張sofa房間好大，但現實只得一張，又中伏，
不過有提供usb充電，係沙漠算係咁，
另外張床真係超硬
有私人浴室及廁所，話就話有熱水同暖氣供應，不過呢個係第二個伏，
所謂既熱水同暖氣其實真係好弱好弱，若果係夏天都好，我們去時正值冬天，
晚上係唔知負幾多度，真係只可以縮埋係鋪有三張被既床，廁所都唔願去，
第二朝問同camp既人，包括住俄羅斯，加拿大呢d凍開既地方，都異口同聲着羽絨加幾張被先訓到
放低行李係房後，便出去周圍影下相，
其實真係影左好耐，直至黃昏先影到以下呢d相，
皆因周圍都係駱駝屎兼營地同其他營地之間其實好近，
與我們一起坐4wd先入營既人都話好難搵到影相位，同想像中自成一國既feel 好大分別，
呢個係第3個伏
差不多太陽落山，騎駱駝入營既人就返來，
正值黃昏，景色稍為變返好d
晚餐都係摩洛哥式，不過由於外面太凍關係，上菜已經係冷冰冰的，
味道方面見人見智啦，不過就真係唔係幾飽，
所以之後就拎左自帶既杯面去餐廳拎熱水煮面，
不過外面溫度實在太低，由餐廳走回房間，水溫都降了不小，面煮唔夠熟仲有d硬，係格硬食左d
夜晚飯後有營火晚會，不過外面實在太凍，唯有返房算
之後成晚都唔係好訓到，幾經辛苦終於到朝早，
其他人與我們一樣，太陽出來了就係陽光下取暖
經歷完一晚後，小編決定作出人生第一次提早check out，
立刻book 其他酒店住，
check out 時當然要同老板講價，包括佢想多收我地既的士錢，
最後都叫傾掂數，不過老板就要我地cancel booking.com既booking，
話係我地無入住，等我地無機會寫留言，怪唔之得呢到有成9分以上，真係中伏。
不過呢到都唔係咩都哀既，除老板外其他工作人員都幾nice。
睇到呢到，如果大家想住沙漠又唔想中伏既，搵住宿就要留意以下呢個重點，
就係個營係咪駱駝毛做，後來先知原來當地人住個d係駱駝毛做，
不過就黑媽媽咁，外觀就唔多靚，但就好保暖同擋風，實用好多，
而我地住個d白色既可能係普通布做，白色係就係好睇d，不過d風吹哂入黎唔保暖似訓街。
下次將會分享我們check out 後當日book 既正酒店，同沙漠營真係兩個世界，個個集團仲有沙漠營係用駱駝毛做的。
Write a comment