曼谷年年都有星級新酒店開幕，上年就住過Park Hyatt，
Hotel Review - Park Hyatt Bangkok Park King Room
今年值得留意既就有Hilton 高階品牌 Waldolf Astoria 同Marriott的 Edition,
呢次曼谷華欣之旅，查過Waldolf Astoria 原本會於8月1號就開幕，
正當想預訂時先知開幕日期廷遲了約3個星期，
無得住Waldolf Astoria，唯有㨂了Bangkok Marriott Hotel The Surawongse 蘇拉翁塞曼谷萬豪酒店，
論級數一定不及Waldolf Astoria的正，不過都係今年新開既酒店，
有品牌，有sky bar，有無邊際泳池，一於試試佢
酒店都好新，係機場搭的士前來司機都唔係好識路，
最重要係曼谷有好幾間marriott，一定要講清楚，如果唔係好易去錯，
酒店叫Bangkok Marriott Hotel The Surawongse，不過照英文發音讀 Surawongse 當地人唔多明，
當地人多數讀係 "suliwong"，搭的士的話簡單同司機講 suliwong road，number 262，佢地會易明d，
落車有職員幫手拎行李，直接行入去check in 就可
check in 時奉上welcome drink
酒店大堂不大，豪華感略為不足，
不過始終係新酒店裝修設計都恰當，拎返些小分
check in 都快手，好快就上房，
今次住既房型係deluxe room
一進房，空間感不錯，房間面積都足夠
浴室有bathtub 及 rainfall shower，
不過設計方面有點不細心，地下磁磚遇水會好滑，
如果帶老人家及小孩入住就要小心d
浴室備品方面選用thann，不過2人入住只得一set，份量有點小，略為不夠細心
每天除了係minibar上有兩支水送外，浴室都有兩支水，都幾足夠
床頭充電插位有萬用插及usb 插，
不過作為新酒店，如果usb插可以多返幾個就好
酒店提供24小時room service, 價錢合理，
同埋酒店附近唔多野食，步行去旺區都有d距離，
所以叫room service好過搭的士出去食
於房間內安頓好後，就係酒店周圍行下，首先去左sky bar，
sky bar位於頂樓，搭𨋢到32樓後仲要步行多2層樓梯先上到去，設計有d怪，
可能酒店新開關係，加上又唔近旺區，無咩人係到飲野，
雖則係sky bar不過酒店附近唔旺，夜晚都無咩景
反而第二日，日落時候黎個景會好d，不過都係唔多人，
係呢到左方可以望到一幢很高設計特別既大樓，佢就係黎緊會開既edition 酒店
睇完sky bar，去樓下31樓既lounge參觀，住executive room或高級會員都可以入
其實呢到同上面sky bar景觀都差唔多，座得都好似舒服d，始終有冷氣
lounge內meeting room
過了happy hour時段，只有茶水汽及水提供
lounge對面都有一個戶外區，唔鐘意有冷氣都可以選擇坐呢到
lounge會有早餐提供
時間至10:30
有即煮蛋，湯粉面，點心，冷盤，熱食
飲品方面除茶水外，仲有6款果汁選擇，
點好即煮蛋及粉面後，ready 好就會有服務員拎俾你
除了早餐，當然就有happy hour, 無記錯由5:30至8:30
有多款酒水及cocktail選掉
另外都有熱食及冷食提供，當日就有魚標湯，都幾好飲架
酒店swimming pool 係18樓，無邊際設計，
面積不大，下午前來都多一家大細用
gym 內各款器材都齊全，係曼谷食太多，有時都要做下運動
入住後感，新係呢到唯一既優勢，其他設施方面只屬中中間間，
有既都會有，但唔會係最top，好像泳池對比入住人數就有點細，
加上酒店地點唔方便，出入以的士為主，
雖則有免費shuttle去bts 站，不過一小時先有一班，略嫌不足，
不過用一千多小小就住到新既品牌酒店，有rooftop bar，infinity pool，都算合格，
有住新酒店情意結既可以一住，房價可參看Booking.com
Write a comment