隨着埃塞俄比亞航空退出香港至東京線,設有商務艙既航空選擇又小了一個,
今次就睇下剩下4間其中之一,廣獲好評的全日空商務艙既設施及服務是如何,
全日空在香港機場check in位於e區,商務艙設有2條隊
作為星空聯盟成員,係香港係可以用,
Thai Royal Orchid Lounge,United Club 或 Singapore Airlines SilverKris Lounge 的,
眼見閘口在24,都唔行太遠就選用了Singapore Airlines的,
但由於11時前Singapore Airlines的lounge是沒有現煮粉面的,
所以最後轉場到了plaza premium食個魚蛋粉做早餐再上機
今次乘搭既係b763型客機,
座位排列方面比較小見的2-1-2
座位方面不是平躺,亦不是斜躺,是俗稱"假 j"的後仰空間加大型座位,
現時全日空只有在香港至羽田線的787-9配備平躺客位,坐全日空商務飛日本既要留意
座位方面,與前座保持一定距離,空間感尚算ok,
座位椅袋放有拖鞋及headphone,
座位control及電視control都顯示出有點年紀了,亦不見有叉電位
個人電視設於2座中間,需拉出來,
解象度方面,有返咁上下年數,當然係唔掂,
所以都無咩mood睇戲
headphone 方面採用panasonic的,
看似不錯,不過聽落d聲有點拆
航班準時起飛,細心既讀者可能會留意到點解無左杯welcome drink既?
小編都有留意係咪只有自己沒有welcome drink,不過周圍都唔見人有,應該唔係派漏左,
一間5星航空公司既商務艙竟然無welcome drink?
雖則唔係無得飲會死,不過係間間航空都有提供既時候,真係有點大扣分。
飲品及小食於起飛後才派發
是日酒水單及餐單,酒類選項都幾豐富
坐得全日空當然就要試下佢既日本餐加支sake啦,
上餐方式是前菜,主菜及甜品一次過上,味道方面都唔錯
飯後要了綠茶,
紙巾是茶葉再造的,很環保
廁所方面有提供牙刷,涮口水等供使用
係時候挨後小睡片刻,呢個係座位挨後最大既幅度,
拍得比較差,下面有官網相
好多人去日本都話要搭日航/全日空,覺得日本公司點都好過香港自家既國泰或港航,
小編認為在經濟艙可能係咁,因為不比較座位硬件,日藉空服既service係好好,
不過當去到商務艙,綜合硬件及軟件既比較時,便是另一回事
輪硬件,全日空現時只有香港去羽田提供平躺位及較新款座位設備,
同為日本藉既日航,係香港來回日本已換上全平躺位,難免被比下去。
就算是同國泰某部分航班的regional business class座位相比,
雖則同全日空座位挨後幅度相若,但其他座位設備如電視較清,配有叉電位國泰都比全日空優勝。
港航方面則最小都是斜躺,也比全日空優勝。
所以輪硬件方面全日空會係4間飛東京既航空之中最低分的。
至於服務同餐食方面,好難客觀評論,不過無welcome drink的確扣分,個人覺得只屬above average,
除非全日空全面翻新座位硬件設備,否則但靠軟件真的不太吸引人再次乘搭
Write a comment
terry mok (Friday, 06 April 2018 03:55)
請問 ANA biz 來回香港東京要多少分換呢? 容易換嗎?
Flyjnow (Saturday, 07 April 2018 00:25)
@terry mok
ANA biz 來回香港東京有分season low 35k regular 40k high 43k
早幾個月plan定唔算難換