是次旅程是搭乘瑞士航空由米蘭經蘇黎世回港，
當中米蘭至蘇黎世之航班係瑞航採用wet lease形式向Helvetic Airways租用，
wet lease 意指航空公司跟其他公司租借飛機，連同機上機組人員一起租用，
所以實際上航班是由Helvetic Airways執飛，不過所有服務標準就跟返瑞航的，
對於Helvetic Airways，可能好多人都不太熟悉，其實佢都係一間瑞士既航空公司
瑞航business class check in櫃位，與同一集團既lufthansa一起共用
米蘭Malpensa機場有fast track安撿，商務及頭等艙乘客均可使用，
避開了人龍，很快完成安撿後就到了米蘭Malpensa機場內的 Lufthansa Lounge，
一般歐洲lounge水準，可重溫，
雖則商務艙旅客可先登機，但由於要乘搭接駁巴士到停機枰登機，
而航空公司亦沒有再安排專屬巴士給商務艙旅客先行，
一架巴士要塞滿成機人先開車，所以就算最先入閘都係要等
登機啦，是次航班型號係fokker 100，座位採用 2-3 排列，
可以從seat plan睇到個個位既間距都係一樣，商務或經濟係無分別既，
其實歐洲既短途機都係咁，商務位只係將一排三個中間個位空左無人坐，
如上圖即1a，1d及1f會有人坐，而1b及1e則會空左
座位設備及間距與經濟位沒有分別
坐定後，空服人員便派發濕紙巾，支裝水及朱古力，
其實支裝水及朱古力經濟位乘客都會有，分別係等到起飛後先會派發，
成程機中商務同經濟最大既分別就係多份餐，有甜品，小食同酒精類飲品
總結都係歐洲短途機商務位既一貫標準，座位硬件與經濟位沒有分別，
只是多了lounge，行李額及優先登機check in等等，
若不是轉駁非申根區國際航班或太多行李，只是在申根區內飛行的話，真的沒太需要俾多d坐商務
Write a comment