瑞士 Zermatt 策馬特相信好多人都識，
但係同一山頭意大利國境既Cervinia就未必人人聽過，
其實兩邊都係可以用滑雪走黎走去既，
不過如果唔滑雪要登頂的話就一定要係Zermatt上，
所以好多人都會住Zermatt，
至於我點解會住Cervinia呢邊？一個字 平！
無論食住行都係意大利平過瑞士
交通方面呢到離米蘭malpensa機場約百多公里，
由於帶埋私伙裝備，一定係自駕最方便，
兩個鐘都唔洗就由機場去到酒店
就咁睇地圖都知呢到好大，
可以見到左邊係瑞士，右邊係意大利，
兩邊係可以互通，
要想滑哂呢到真係要留一個星期，
不過以小編既體力滑3日full day咩都夠啦
係到滑仲要識睇地圖滑，滑左去第二個鎮都要識滑返酒店啊
頭先講過意大利個邊咩都平d，就連ski pass都一樣
以下係瑞士買ski pass既價錢 ，
以滑3日黎計，瑞士買需要243chf 約 1878 hkd
如果係意大利買當high season計都係169 eur 約 1400 hkd
每人足足平左4百幾
第一日由機場返到酒店已經2點幾，
歐洲冬天早日落，ski lift都關得早，平均4點多就關
所以第一日就無玩到，留待第二日
第二日時差的關係，準時8點鐘就等上ski lift
天氣相當好，有太陽，能見度高
滑滑下，對住Matterhorn 馬特洪峰啤一啤先，盛惠6 eur，好抵！
午餐都係山上面食，埋單約30 eur
影相位，用張ski pass拍一拍就會自動倒數影相
之後可以跟返ski pass個number上網download返，
可惜張ski pass退左返deposit 唔記得個number，無得download返張相
第三日，係意大利個邊滑左幾轉後就諗住登頂過瑞士滑
意大利個邊既cable car最高可搭到3480m，要再上高d就要滑過去瑞士再搭cable car
睇相好似風和日麗，但其實係極大風，一個成年男人都好難企得穩，
右面座山就係Matterhorn 馬特洪峰
太大風唯有入去餐廳食野順便取下暖，
由於太凍加體力消耗都7788，放棄再登頂，要預返d氣力滑返去酒店，留待明天再戰啦
經過尋日之後，今日有哂準備著多左衫，成功滑到去瑞士上山頂個cable car站
呢個站都幾大，有餐廳亦都有買手信既地方，
唔滑雪既都可以係zermatt搭到上黎
登頂cable car相當多人，
當時氣溫-8度，風速有 50km/h，但若計算體感溫度即有-20度，唔怪得咁凍啦，
好唔好彩，就到我地個時close左，好似係太大風既關係，所以登頂都要好講運
由於已經滑到最後一日，唯有留待下次黎先再登頂啦
無奈既我地係瑞士滑多幾轉就滑返去意大利酒店
係呢到滑左3日雪，係幾好玩幾好feel，風景又正，
不過真係好攰，成個人散哂，
如果係首次體驗滑雪或初學者最好都係去日韓滑，
因呢到地太大，有唔同地形，所需技術較多，同時要預留體力滑落山，
仲有呢到d細路小一咁上下，都好勁架，對初學者可能會有小小心理壓力，
同埋係日韓你唔想再滑雪附近都會有景點行，係歐洲滑雪就滑雪無其他景點架啦
以下就介紹滑雪住既酒店 Hotel Furggen
因為我地book得遲，各大酒店網基本上full哂咁滯，
一係好貴4,5千蚊一晚，一係山卡拉咁遠
好彩經 www.cervinia.it/ 訂到呢間4晚只需690 eur
酒店可ski in ski out，不過對出條路屬中級程度，初學既話進出可能有難度
酒店有lift，唔怕行李搬上搬落，
reception亦可購買ski pass唔洗周圍走
房外望景觀，
由於太亂無影到房入面啦，都係一般酒店房，乾淨企理啦
酒店仲有一個bar，滑完雪係到飲返杯都幾正
呢間酒店係無餐廳做lunch 同dinner既，只有每天供應早餐，
早餐就普普通通啦，熟食只得一樣就係自助水煮蛋，
其餘都係cereal ，面包同其他凍冰冰既野
酒店無晚餐食，所以要落town食（方東昇tone）lol
行落town既話需時10-15分鐘，不過酒店有提供免費shuttle，
打個電話5分鐘就到，所以都好方便
正值聖誕，周圍都勁有氣分
小貼士，係呢到每間餐廳晚餐時間都係7點開始，早到都無得食架
早到左既我地唯有係bar 到邊飲邊等
上圖只需約13eur，小食係送既，你話平唔平
食左燒羊架，意粉加酒水埋單50eur，如果係瑞士一定唔得，
又係小貼士, 意大利菜通常都好鹹，可以叫佢落小d鹽
仲有呢個鎮d餐廳普遍碟頭都大，正常香港人share一個頭盤加每人一個主菜咩都夠
最尾一晚係cervinia，係tripadvisor上搵左間 Snowflake Restaurant - Hotel Principe Delle Nevi 黎試下
裝修就幾好，不過味道就麻麻，
點左鵝肝黑松露牛扒同意粉，個人感覺飛機餐仲好食
Write a comment