第四日既行程，由名古屋出發去另一個outlet，車程大概一小時，
行outlet咁消耗體力老虎大人緊係要食d野先啦，
就係沿途食餃子之王將，點解日本求其一間d餃子都咁好味，香港食唔返
今次老虎大人終於有收穫，
首先係sealy買左個枕頭，因為老虎大人訓唔慣酒店個d
之後係polo每人買一件羽絨準備聖誕意大利瑞士之旅xdxd
如果大家去outlet記住去information拎遊客coupon 啊，平好多
首先已經免稅，polo再做買3件8折，之後coupon再9折，總之平好多啦
行得開心得滯都無咩點影相
行完outlet就直踩去高山啦
去高山車程大概兩個鐘度
路途已開始有紅葉
去到高山既酒店 スパホテルアルピナ飛騨高山，
今次呢間酒店有溫泉大浴場，仲有露天既，價錢萬五円一晚， 房比較細不過還可以，相就冇影啦因為真係普通啦
check-in之後當然又去食嘢啦
由於當地時間已六點鐘加並隔離就係火車站所以遊客比較多，餐廳又比較少，
想食呢間 日本海庄や高山駅前店 +81 577-35-3491 又full哂
唯有book咗九點再黎食啦
但係要老虎大人等到九點鐘先食野真係命都隨事無，
所以就喺酒店附近求其一間居酒屋食，食左當地名物，飛騨牛串，飛騨壽司
食完少少野就喺附近行吓街買下手信仔
呢度好多呢隻公仔，當中唔同顏色就代表唔同嘅祝福
老虎大人就買左個婚活俾朋友仔，希望佢早d嫁得出
行到咁上下，終於等到9點有得食，
其實小編我都唔係好食得落，啱啱先食完野無幾耐，但係老虎大人個肚真係黑洞黎，
叫左馬刺，刺身拼盤，生蠔，海膽仲有幾款熱食
估唔到呢到d刺身都幾新鮮，始終呢到唔近海
total飲咗三支清酒一大杯啤酒埋單都只係＄700幾港幣非常之抵，不枉我地等咁耐，
呢度始終係鄉下食完野後所有鋪頭都閂晒，返酒店瞓覺lu。
第五日，首先出發高山老街搵食
沿途有唔小賣飛騨牛串，飛騨壽司既鋪頭，好多人排隊
去左呢間賣酒既買本地出產清酒同甜酒
支甜酒味道好似食緊粟米片咁，感覺難以形容不過都ok既
再行埋附近宮川朝市
食過拉面後再出發去下一景點 鍾乳洞
鍾乳洞呢個景點對於香港人黎講可能唔太吸引
但呢個景點最值得睇既唔係鍾乳洞而係隔離一個小小既博物館
鍾乳洞入場費已包埋呢個博物館架啦
提提大家通常酒店有放d leaflet，張leaflet可以入場平100yen架，折後成人1000yen一位
呢個博物館係唔俾影相架，不過真係忍唔住偷影幾張
原以為呢個館流料，點不知樣樣展品價值連城
勁大座既象牙㓮刻，翡翠黎整一棵壽桃樹既桃同葉，仲有好多好多
本來仲有一個100kg純金做既展品，不過之前俾人偷過，最後揾返俾人熔左只剩下70kg
又難怪引人犯罪既，只得一個啊伯守住，俾係第二d地方晨早無左啦
沿住條路入去鐘乳石洞，
鐘乳石洞分3個區，區與區之間都有出口，方便d行路不便既人可以離開
第一個區路較平坦，行得幾輕鬆
第二同三區就較多梯級，不過一般人都可以行完既
係出口到仲有條子孫根俾人拜，不過唔知有咩來頭，lol
出左鐘乳洞就見到呢棵紅葉樹，老虎大人玩自拍都玩左半個鐘xdxd
行完咁多級樓梯，老虎又餓啦，今次係途經白川鄉既一間迴轉壽司到解決
叫左個飛騨牛，不過燒老左d，唔太掂，
叫做食小小野又再出發
經過一個多小時既車程就到啦
雖然天氣報告話紅葉已經盛開，但現場所見只係一半一半啦
如果想上展望台嘅話就可以搭巴士，
位位200yen一程，兩個人一上一落就800yen
一程車5-10分鐘到，真係好搵個紅van線
其實小弟真係蠢左加上旅遊書又無講地標，給果唔係渣車上去都得架
下面google map紅箭係旅遊巴車場，係見到旅遊巴車場前藍箭位置個條國道360就可以上到展望台架啦
黎到白川鄉點都要入去人地間屋睇睇既，
我地就去左長瀨家，入場費成人300yen
行完再去附近商店買下手信太陽都落山啦
係時候出發去今晚既酒店
由於車程都差不多2小時，加上老虎行完一個景點就會消化哂
一如以往就緊係要食d野啦，
係過左金澤既其中一個休息站食左兩碗魚生飯，呢到近海果然新鮮
終於黎到我地要住3晚既酒店啦
呢間酒店位於加賀既山代溫泉，酒店係 リブマックスリゾート加賀山代
我地book 既係 【露天風呂付き客室】和室ＴＷ『セパレート』，有自己私人溫泉
經jalan預訂 ，3晚不包食連稅總共45000yen，十分抵啊
房間大，床褥仲要係Simmons 既，加上啱啱新裝修完幾靚仔，呢個價錢非常有驚喜
呢間酒店對唔係自駕既就唔係咁方便，附近比較靜，
不過都有間便利店係正對面
如果要揾食就要渣車啦，
今晚就係附近食燒肉
附近無野行，食完就返去嘆下個私人溫泉
明天出發金澤
Write a comment