今次為咗慶祝為食老虎大人嘅壽辰，專程編排左一個食松板牛、飛驒牛、伊勢龍蝦、越前蟹嘅行程
由於小編同老虎屬慢活一族，每日訓到9點10點，最多只得三個行程，所以就分開上中下黎寫啦
第一日乘搭國泰既航班飛往名古屋
Flight Review - Cathay Pacific CX532 HKG - NGO Business Class
落機已經係當地時間晚上九點鐘 ，
今次我哋依然係自駕遊，
租友要注意啦，名古屋機場既租車公司都早關門，
我哋9:05出到閘，租車公司就差少少拉閘，差啲趕唔切拎車模門釘 ，
我地今次book咗times car rent，係日本樂天網book既
價錢為8日 31900yen 連稅同保險 ，
油費當然唔包，不過其實都好平，基本上入滿一缸油都唔使四百蚊，可以行到600幾公里，
除翻開好過去搭車又要等又要就時間，建議有車牌嘅朋友最好自駕遊
由機場揸車去名古屋需時半個鐘多dd
今晚我地住宿榮附近既商務旅館，貪搵野食方便同熱鬧d
附近仲有開24既驚安，再夜都唔怕無節目
係呢個時候老虎大人當然又要食啦，係lounge到食個兩碗面再加機上塊牛排已經消化哂
求其去左附近居酒屋食，食左以下既魚生飯、生蠔仲有d熱食
食完呢度行下驚安，我哋就返酒店瞓覺準備第二嘅行程啦
第二日當然係出發去老虎大人最愛嘅項目，就係shopping 啦，
今次去既係三井長島outlet，呢到仲有遊樂場同溫泉酒店架
誰不知當日11月3號，人山人海，唔知以為小弟返咗大陸，
當地人同我地講原來今日係佢哋嘅公眾假期，
去到咩餐廳都大排長龍，是但係個food court食左d野就開始作戰
誰不知乜都買唔到，覺得呢度比起日本其他outlet價錢都偏貴
如果唔順路嘅朋友其實冇乜必要黎呢個outlet啦
行完就出發去鳥羽市既鳥羽一番街 ，鳥羽一番街係位於鳥羽站旁既
呢度一棟有3層，一樓二樓係買珠寶手信等等
呢到出名珍珠，隔離就係Mikimoto 島，如果鍾意珍珠嘅朋友不妨買一條，咩價錢都有視乎質素
係呢個時候，行完outlet又坐左一個鐘車，老虎又要再食啦
我哋揀咗頂樓呢間有海景既餐廳食下下午茶啦，
叫咗伊勢龍蝦刺身，生蠔，仲有一隻唔知咩貝加飯，
非常新鮮鮮甜而且價錢合理
生蠔仲encore多碟添
食完就出發去我哋今晚嘅酒店 かんぽの宿 鳥羽
小編一向book酒店都好小失手
誰不知今次有少少伏，原以為19450yen一晚有私人風呂溫泉，去到先知原來房入邊嗰個私人風呂只係熱水
大浴場d真溫泉水質又麻麻
雖然價錢幾平房幾大，不過有得再book都唔會book呢間啦
由於今日酒店個plan係唔包食既，check in 後我哋又係出發去塭食啦
用車個gps search到附近有間燒肉，就去試下呢間啦
あみ焼き 天びん屋 +81 599-25-2011
去到即刻有位，呢間餐廳每組客人都有自己既房，私隱度十足
點左兩款松板牛，一份盬味，一份醬油，都係a4級，每份1900yen 都有5,6件
松板牛果然名不虛傳，比起一般嘅牛好味，雖然睇相上好似好厚身但一咬即溶
另外仲叫左蒸蠔同海女是日捕捉精選
d蠔相當肥美
呢到另外仲有伊勢童子雞食
我地食咗好多又有蠔又松板牛加加埋埋7,8樣野
埋單先係萬2yen，仲有房你坐，香港邊得
食完飯當然就返酒店浸溫泉啦
我哋就浸嗰個私人風呂啦，冇理由黎呢度浸熱水，
去大浴場浸完沖個涼後就早早訓lu
第三日既行程
我哋又去返琴日鳥羽一番街到食早餐
由於呢度比較鄉下嘅關係基本上條街冇乜嘢可以食
食完個拉麵就出發去Mikomoto 珍珠島啦
珍珠島距離鳥羽一番街好近，2,3分鐘車程到
有專屬停車場，每兩小時500yen
珍珠島入場費成人好似係1500yen
館入面會講解創辦人嘅歷史，創業史
mikimoto 歷史悠久，原來佢經歷過好多次嘅失敗先成功，用左5年時間先成功養殖第一粒珍珠，真係值得佩服
仲有教你如何分辨好嘅珍珠同冇咁靚嘅珍珠，唔睇過真係唔知，
因為小編以前覺得珍珠就係珍珠，唔明點解價錢會有啲天文數字有啲咁平，睇完就明白哂
另外仲會有一個海女表演，小編同老虎大人真係服左佢哋
當時溫度只有11度仍然可以跳落海仲要搵嘢食，就係咁已經值回票價
港幣2百幾萬既珍珠，超大粒
只有最top個10幾％珍珠，mikimoto先拎出黎賣，難怪又靚過香港珠寶店個d既
同場仲有唔小用珍珠做既皇冠
亦有古時只有天然珍珠做既手飾
仲有其他霸氣既珍珠展品
黎到呢度老虎大人梗係要買珍珠啦
我哋最後選擇左一條純銀嘅大概＄1000港幣 既珍珠鏈，
如果買K金或者白金價錢就至少幾千蚊起跳，都幾貴XD
行完珍珠島，老虎之前食既野又消化晒啦，開始餓，
所以係附近aeon mall食個拉面再出發伊勢神宮
伊勢神宮係免入場費架
呢個時候當然係要不停咁影相，
因為已經開始有紅葉啦，
神宮外仲有好多商店俾你行下買下手信
之後就踩返去名古屋，去左大須個taito station夾公仔
今日戰利品有4件，大約用左8千yen黎夾啦
當然唔小得食野啦，其實夾公仔前已去居酒屋食過，之後宵夜再去磯丸水産解決
咁就結束第三日行程
Write a comment