今次紅葉美食之旅乘搭國泰航空直飛名古屋中部機場
國泰航空business class既check in位於 b 區
十分多counter唔洗排隊，埋去就check得in
同老虎大人一人一喼之外仲拎多左個空既去，
因為我地次次都唔夠位裝戰利品，對上一次東京每人兩大喼咁返
不過今次去名古屋中部應該無咁多野買啦掛
check in過關後就即去the wing 食碗雲吞面先
食完去左the cabin 坐下，
坐左一陣老虎大人又話再食過，想去pp lounge 食魚蛋粉
今次唔去1號閘個pp lounge啦，去40號閘個個順路d
飲下食下好快就final call，去到閘口已經無哂人排隊，那那林boarding
今次搭既係國泰a330-300，配置長途商務艙，有39個平躺商務位
國泰既a330-300仲有短途商務艙配置既，商務位不能平躺，
如果想知個班機係咩配置，可留意班機有無premium economy，有的話就係長途商務艙
是日商務艙勁小人搭，一半都坐唔滿
國泰長途商務係reverse herringbone設計，個個位都可直出走廊，唔怕麻煩到人
同老虎大人當然就選中間個兩個位坐啦，如果一個坐的話建議坐窗口位
坐定定，空姐就黎派welcome drink，同老虎大人一樣要左杯champagne
商務艙個屏風夠高，唔怕你眼望我眼夠哂private
座位control簡單易明易用，
有插頭及usb以供差電
旁邊個櫃仔就放左headphone
座位則靠走廊位就有鞋櫃及雜誌架，
不過個鞋櫃好似好細唔係好放得落對鞋，女裝可能好d既
腳踏位闊到尚算ok，唔知係咪感覺關係覺得回程時777-300個腳踏位好似闊d
起飛後空姐便派發餐單及酒水單
叫左杯法國紅酒同champagne
老虎大人就飲sake
前菜有大蝦，沙律同日式冷面，
個人除左魚生外對生冷食物無咩好感
到上主菜，同老虎大人一樣都係點牛排，
其實係機上食牛排真係好危，塊牛排隨時好似擦膠咁老
不過今次十分驚喜，生熟度處理得好好，地面上既餐廳都未必食到咁淋咁好味
甜品就有haagen dazs既雪糕，要左個奶茶味既
用餐途中都有空姐不停添酒加水，幾好幾好
飲飽食醉一輪，係時候去個廁所，準備訓返陣
商務艙廁所有配備jurlique用品
返埋位較返平躺訓一陣
雖然飛行時間唔耐，但有得平躺訓個幾鐘都舒服d，訓醒就差不多就到名古屋啦
國泰既商務一如以往keep 住水準，無論由check in到落機拎行李都係滿意，
一d都唔係因管理不善既航空公司啦, lol
Write a comment