想享受小島resort寧靜浪漫既假期，好多人都會諗到馬爾代夫
但馬爾代夫無論酒店，交通價錢都唔係便宜玩意，始終未必年年去到
今次小編就推介下上年住過既seraya island resort
價錢十分經濟，2人價錢計 290euro 一晚，包早晚兩餐及快艇來回內陸機機場，住3晚以上仲有折
呢個價錢只係夠搭馬爾代夫水上機渣
交通方面由峇里搭1小時內陸機到laburn bajo，再搭快艇就到
內陸機來回價一千左右
香港飛峇里既話可選搭香況航空，商務位成日有優惠，連稅約5千左右
預訂酒店可以上各大酒店網或上官網 https://www.serayahotel.com/
建議大家起碼要住3晚，因為除左係酒店hea，仲可以去附近著名既科莫多龍島及粉紅沙灘
小編住左2晚都未玩得哂未嘆夠就要走，有d可惜啦
出發啦！
係內陸機上已可見海水十分清，呢到係潛水聖地黎架
鐘意潛水既朋友一定like
拎完行李，工作人員已經係門口等緊我地
約10分鐘車程就到碼頭
其實好多去科莫多龍島及粉紅沙灘既遊客都係留宿係本島
不過本島既酒店質素真係麻麻，唔太見議入住
坐快艇15分鐘就到啦
幾靚唔洗講，睇相啦
由於酒店唔係好大，只得十幾間房左右，所以都知今日有邊個黎，check in好快
呢到每間房都係獨立villa小屋，行出去就係沙灘
呢到最費個間villa仲有私人泳池添，
小編住既係最基本房型，裝修十分四正，冷氣亦好夠
主餐廳前面就係泳池
呢到得一間餐廳，一日三餐都係到解決
呢到d酒水價錢都十分親民，望住個靚景beer 一 beer真係爽
晚上更加浪漫，不小情侶都黎吹下海風談談心
第二朝因為book左去科莫多龍島，所以晨咁早就起左身啦
望住靚景食個早餐特別醒神d
海水十分清，就咁都望到好多海星同珊瑚
出發啦，
今次包左架慢船約200euro到，船程要2個鐘
如果搭快艇就1個鐘船程，但就貴好多約600euro
落左船行去入口到求其搵個ranger，
佢會渣住支竹帶你行，因為呢到既科莫多龍都係野生既，有危險時支竹就有用啦
行左一陣先入到售票處
ranger會問你想行邊條路，無記錯小編係行medium約1-2小時行程
就係售票處不遠就有一隻啦
佢應該係聞到d煮野食味啦，不過呢到係唔俾喂食架
行左一陣又見多兩隻，
今次都算好彩，聽講有d人行2個鐘都見唔到一隻
下圖就係佢地個龍穴啦，入面應該有龍蛋
呢到陽光都幾勁，行左個幾鐘終於出返去，
臨走前當然都要俾d小費ranger啦
返返酒店就浮潛下
呢到就咁係酒店沙灘對出潛已經見到好多魚同珊瑚
食物方面亦好好
早餐有西式或印尼式選擇
晚餐會有一個main course同一個dessert，
就算要加餸都一d唔貴
住左2晚好快就要走，今次最可惜係無去粉紅沙灘啦
Write a comment