Day 6
check out 移動小屋後就出發返rovaniemi
其實之後編排既行情係去kemi玩破冰船既
但由於inari離kemi都幾遠下有成500公里，為左唔好渣車咁累
決定留一晚係rovaniemi休息，第日先再由rovaniemi出發去kemi
經過3,4個小時車程，終於返返rovaniemi
由於無今日無編行程，隨意係市中心行下shopping mall
晚餐就係tripadvisor搵到間中菜，可能你會話去歐洲食咩中菜啊，但芬蘭菜真係來來去去得個幾款，
面對之後幾日都要係d細town到過，又一定要再食個幾味送，今日都係食返餐中菜啦
叫左個水煮魚，雖然唔係好正宗，但係芬蘭食到都帶幾分感動
Day 7
今日既活動係坐破冰船 Sampo Icebreaker，亦都係成個行程最貴既一項活動
係官網買票有幾個唔同既package你選，
有分玩唔玩埋雪上電單車
需唔需要接送，接送可選由rovaniemi接或kemi接皆可，當然rovaniemi遠d價錢又貴d啦
我地有自駕當然只係選最基本船票同唔要接送啦，但係咁都盛惠400eur 一個人
不過如果唔自駕就千其唔好慳住咁買啦，因為上船個到山卡啦黎，係無公共交通，
到時分開買票再搭佢個shuttle仲貴，睇過係kemi來回碼頭10分鐘車程都要約30eur一個人
上到船會分組先，每組會輪流去參觀船倉，食lunch，係冰海上游水等等
參觀船倉有好多講解
呢隻破冰船有幾十年歷史，以前真係攞嚟破冰幫d商船開路
而家退休就成為景點俾遊客參觀
到食lunch啦，當然係麵包同三文魚湯，三文魚湯係任裝既
基本上係芬蘭每一日都係麵包，三文魚湯，薯蓉，鹿肉
食到咁上下就到我哋落冰海游水啦
放心嗰件衫係唔入水，保暖同識浮既，所以唔識游水都可以玩架
不過係臭咗啲啫，同埋件衫好緊，我隔離果條友着咗有啲透唔到氣緊到流眼淚
我覺得冇想像中咁好玩，可能因為件衫實在太緊，玩完一輪成個人散晒
玩完游水後就企左咗係啲冰度影吓相咁
到所有人都玩過游水就起航返去啦
落船嘅時候每人都會有一張證書，證明我哋登過呢條船
overall 雖然唔平但絕對值得，因為全世界好似只得呢到有得玩破冰船
唔好講北海道個隻，因為根本唔入流，同呢個比北海道個隻簡直係小朋友玩泥沙
由於食唔慣芬蘭菜，決定試下係tripadvistor 搵附近嘅中菜嚟食
好彩揾到間都算正宗，係一位上海人開嘅（無記錯既話）
可能平時無咩人同佢傾計，一見我地就傾唔停
我問佢點解會喺呢度開中菜館 ，死城咁一入夜咩人都冇，佢就同我講瑞典仲小人啊
跟住又問唔落雪呢到有咩做，佢話唔落雪時主要係出海釣魚
佢同我哋講睇到三日極光好好彩啦，有d旅行團黎到一星期都睇唔到一日，所以黎芬蘭記住預多小小日數啊
食飽飽後我哋就返去休息啦
