India Trip 2014 Day 2

第二朝我哋五點就起左身坐船去睇恆河嘅日出,雖然係印度,但其實日頭都幾凍架,

岩岩日出已經有好多人開始係恆河度洗衫,沖涼,不過我地真係唔夠膽落水。

同我哋同船有一個印度人,佢都特登由美國帶埋阿媽黎呢度朝聖,恆河係印度人心中真係一個好神聖嘅地方

遊完船河就返酒店望住靚景嘆下早餐,

剛剛同船印度人啊媽已在平台誠心咁念經,

由於我哋唔會陸路去泰姬陵 Agra ,而係搭飛機去,

不過呢班機一個星期先得幾班,要就個schedule,所以我哋喺呢度留一晚就算

約一個小時到就飛到Agra,係呢度我哋包左車6日5夜,agra 留兩晚,之後再去jaipur 3晚,約1500蚊

但無諗過包車都會有過導遊跟埋黎,咁當然唔係免費啦,多多小小都要俾d貼士,實在太搵笨

 

好快就到左酒店 Radisson Blu Agra Taj East Gate,非常之近泰姬陵嘅

 

休息左陣就去泰姬陵,嗰度係保護區有廢氣既車唔准入,防止酸雨侵蝕泰姬陵d雲石

因為我哋懶所以要俾d錢坐電動車去到正門口算啦

咁當然啦租車嗰個導遊又跟埋黎, 其實我地已經話唔使架啦,鐘意自己渣住書去睇多d

個導遊行得勁快,一路講講講,走馬看花咁,不過算,我地聽朝都會再黎睇日出,到時慢慢睇

泰姬陵d 造工十分精緻,可見個皇帝十分愛佢老婆,

佢老婆好似幫佢生左13個子女就難產死左,之後就起左泰姬陵,

印度保護遺產工作需用多d力啦,d雲石有d俾人整甩左(右下)

睇完泰姬陵,因為我地要唱錢,個導遊就話跟我黎啦我個到唱老實,

咁我地就跟住佢行左勁遠去唱,個rate係ok既,不過要收手續費

事後再係酒店唱過,雖然個rate唔夠導遊個到好,不過唔洗收手續費,overall仲抵,所以導遊帶個d千奇唔好信,

之前真係笨仲要行左勁遠去唱

 

唱完錢上返車,導遊就黎料啦,佢話不如我地去買特產shopping,

原來係泰姬陵行得咁快係因為要去賣野賺回佣,

第一間賣雲石既,一入門緊係有d 臨記扮下野做緊手作啦,入面d野明顯overprice 既,

之後亦都去多一間,都係無買野,個導遊緊黑面啦

 

睇完就返酒店早d休息,因為今早已早起同埋聽朝要睇日出

返上房前係酒店d shop行下,買左d雲石,雖然都係貴過出面,但都平過導遊個d好多,同埋呢到行得舒服d無咁hard sell

Write a comment

Comments: 0